Drejt imunoterapisë së personalizuar të kancerit

Të jesh i përditësuar me informacionet dhe hulumtimet e reja sot mund të jetë shumë e vështirë. Informacionet e përmbledhura në formën e udhëzuesve dhe modeleve janë shumë të dobishme si për profesionistët e kujdesit shëndetësor gjithashtu edhe për pacientët. Njëri nga këto modele, i ashtuquajturi cikli imunologjik i kancerit, është përshkruar për herë të parë në vitin 2013 në artikullini publikuar nga studiuesit e kompanisë Genetech, Dan Chen dhe Ira Mellmann. Në atë model shpjegohet në shtatë pika se në ç'mënyrë sistemi ynë imunitar lufton qelizat e kancerit (më shumë – në linkun "cikli imunologjik i kancerit").

Pavarësisht nga të gjitha hulumtimet, mbetet e paqartë pse disa pacientë kanë një përgjigje të mirë ndaj imunoterapisë ndërsa të tjerët kanë përgjigje dukshëm më të keqe ose nuk kanë përgjigje fare. Përgjigja mund të qëndrojë në faktin se sistemi imunitar i secilit person është i ndryshëm dhe ka shumë mekanizma të tjerë të cilët nuk përshkruhen në ciklin imunologjik të kancerit që ndikojnë në ndërveprimin e sistemit imunitar dhe kancerit.

Duke punuar në një model të ciklit imunologjik të kancerit, është arritur në një model të rii cili me sukses bashkon zbulimet e fundit shkencore me përvojën klinike dhe në të njëjtën kohë shpjegon pse disa pacientë reagojnë mirë ndaj imunoterapisë, ndërsa të tjerët përgjigjen në një masë shumë më të vogël ose nuk kanë asnjë përgjigje. Sipas këtij modeli, supozohet se çdo kancer që shfaqet tek njerëzit mund të klasifikohet në një nga tre profilet imunologjike ose të ashtuquajturit imunofenotipe.

Për të kuptuar më mirë këto tre fenotipe, ne kemi krijuar një histori të vogël që krahason përpjekjet e sistemit tonë imunitar në luftën kundër kancerit me astronautët dhe rrugën e tyre drejt Hënës…

Njohuritë që kanë shërbyer për krijimin e modelit imunofenotipik kanë çuar në zhvillimin e strategjive të reja, të individualizuara në trajtimin e pacientëve me kancer. Për shembull: një pacient i cili është diagnostikuar me kancer që ka karakteristikat e një fenotipi imun të “braktisur“ (immune-desert phenotype) nuk ka fare përgjigje imunologjike ndaj qelizave të kancerit, kështu që qasja optimale për këtë pacient do të ishte një formë e terapisë që do të shkaktonte njohjen dhe mobilizimin e sistemit imunitar për të luftuar qelizat e kancerit. Derisa për shembull, në një pacient me një fenotip imun të përjashtuar (immune- excluded phenotype), ka ardhur deri te ativizimi i sistemit imunitar, por ekzistojnë pengesa të caktuara që parandalojnë shkatërrimin e qelizave të kancerit nga sistemi imunitar, kështu që pacientët e tillë trajtohen më së miri me kombinime të barnave që ndihmojnë sistemin imunitar të shkatërrojë qelizat e kancerit.

Imunoterapia pa dyshim tashmë ka revolucionarizuar onkologjinë, por ky është vetëm fillimi. Ne në Roche, besojmë fuqimisht se qasja e kombinuar, e cila ndihmon përgjigjen imunitare të organizmit ndaj qelizave të shumta të kancerit, përfaqëson të ardhmen e imunoterapisë. Ne po punojmë për këtë të ardhme sot, duke zhvilluar mbi 50 terapi të kombinuara të cilat veprojnë në pjesë të ndryshme të ciklit imunologjik të kancerit. Në këtë mënyrë, ne dëshirojmë të sigurojmë saktësisht atë lloj të imunoterapisë e cila do të ndihmojë çdo pacient individual onkologjik në luftën e tij kundër kancerit.